أعلن الفنان المصري حسن الرداد منذ قليل عبر حساباته الخاصة على السوشال ميديا عن وفاة الفنانة دلال عبدالعزيز والدة زوجته ايمي سمير غانم.
ونشر حسن الرداد صورة للفنانة الراحلة وكتب معلقًا: " والله ما قادر اكتب ولا مصدق. توفيت الى رحمة الله تعالى حماتى و أمى الغالية الفنانة الكبيرة دلال عبدالعزيز، أطيب خلق الله، عمرى ما شفت منك غير كل خير يا حبيبتى، ربنا يغفرلك و يرحمك و يجمعنا مع بعض فى الاخرة ، عايز اقولك انك هتلاقى مفاجاة حلوة مستنياكى، هتلاقى حبيب عمرك اللى طول الوقت بتسالى عليه،هتوحشينا قوى يا أمى،ربنا يجمعنا مع بعض فى الاخرة".
واثار خبر وفاة دلال عبدالعزيز حالة من الحزن عبر مواقع التواصل الاجتماعي وسارع عدد من نجوم الفن للتعزية في وفاتها عبر التعليق على منشور حسن الرداد مثل الإعلامية مهيرة عبدالعزيز والإعلامية المصرية وفاء الكيلاني والكثير من المشاهير.
وجاءت وفاة دلال عبدالعزيز بعد معاناة استمرت لما يقارب 3 أشهر بسبب مضاعفات فيروس كورونا الذي تسبب بتلف الرئة لديها، ورحلت دلال عبدالعزيز دون أن تعلم عن وفاة زوجها الفنان سمير غانم والذي توفي قبل ما يقارب الشهرين بسبب فيروس كورونا.
وكانت قد انتشرت قبل مدة شائعات حول وفاتها وتدهور صحتها وأثارت هذه الاخبار غضب حسن الرداد الذي كتب عبر انستغرام: " بالنسبة للمواقع الصفراء الرخيصة اللى كتبت اخبار غير صحيحة عن حماتى #دلال_عبد_العزيز، يا ريت تحترموا نفسكم شوية. اللى بينزل اخبار غير صحيحة تخص حياة انسان عشان يعمل ترند على موقع يبقى واحد مش محترم ولا يحترم المهنة بتاعته اللي الف باء فيها وجوب تحرى الدقة. احنا بقالنا شهور فى المستشفى و كلنا متواجدين مع حماتى و قاعدين قدامها ٢٤ ساعة رامى و إيمى و دنيا و انا و فجاة يجيلنا سيل مكالمات ورسائل من كل اهلنا و حبايبنا بيطمنوا. حقيقي عايز اسال اللى كتب الخبر لو حد فينا كان بعيد و سمع الخبر ده حضرتك متخيل كان ممكن يحس بإيه او ممكن يحصل له ايه على ما يتاكد ان الخبر مش مظبوط؟ مش هقولك يا ريت يحصل فيك نفس الموقف عشان تعرف المصيبة اللى انت عملتها بس حقول لك حسبى الله و نعم الوكيل.
