قرر الداعية المصري معز مسعود مساندة زوجته الفنانة حلا شيحة بعد الهجوم الكبير الذي تعرضت له الأخيرة بسبب مهاجمتها الفنان تامر حسني بعد قيام الأخير بطرح كليب "بحبك" من فيلم "مش أنا" الذي شاركت فيه حلا شيحة.
معز مسعود يدعم حلا شيحة
وكتب معز مسعود في منشور عبر انستغرام قائلًا: "إلى زوجتي الغالية حلا قادر افهم انزعاجك نتيجة مرور وقت كبير على تصوير الفيلم ده بسبب كورونا وان حياتك اتغيرت زي ما انتِ قولتي في البوست بكل احترام. قادر كمان افهم انزعاجك من التركيز على المشاهد دي و تجميعها رغم الوعد الشفهي بتجنب ذلك من صناع العمل (الكلام ماكانش عن إلغاء الكليب ولكن إن التركيز ميكونش على مشاهد معينة زي دلوقتي)، خصوصا مع نزول الكليب في توقيت له قدسية كبيرة بالنسبة لنا"
وأضاف: " ولو كنا نعرف ان الوعد مش كافي علشان يحل المشكلة دي كنا مشينا في حلول تانية.. اللي بينك وبين ربنا فيما يخص اجورك عن أعمالك السابقة مش مضطرة تقوليه لحد.. ومتشغليش بالك بأي كلام بيتقال بغير علم.. الناس مش بتاخد بالها من تفاصيل كتير أبسطها الوقت الطويل والأحداث الكبيرة اللي بتحصل في حياة اللي بيتكلموا عنهم بمنتهى الأريحية والثقة والتسرع في إصدار الأحكام.".
وأردف قائلًا: " قادر افهم قصدك لما اتكلمتي عن (نوع معيّن) من المشاهد يعني نوع معيّن من الفن و (مش تعميم على الفن كله). وعاوز أفكرك يا حبيبتي إن رحلتنا هي رحلة بحث عن الحق والخير والجمال.. رحلة اعتزاز بالثقافة والهوية.. نموذج قوي لرفض التطرف على الناحيتين.. الناحية المكسوفة من هويتها وبتقلّد الغرب من غير حكمة او علم او عزة (اللي انا سميته "الانتحار الثقافي" في كلمتي في الحوار الوطني سنة ٢٠١١) والناحية التانية المسجونة في قوالب مميتة للفكر والفنون.. كل ناحية منهم فاكرة انها معاها الحقيقة المطلقة وهيفضلوا يتخانقوا إلى يوم الدين.. لحد ما يظهر ناس عندهم الشجاعة والاعتزاز بثقافاتنا وهويتنا.. وبيحملوا هم أولادنا والأجيال الجاية.. وساعتها هيكون فنّنا بيعبر بجد عننا.
واستطرد حديثه: "الشجعان زيك بس هم الي بيمشوا الرحلة بصدق وإصرار لحد ما يوصلوا..مهما كترت المحطات.مهما كان الألم والحيرة واللخبطة..مهما كان الهجوم والخذلان والمزايدات..مهما كان التمن الي بيتدفع..الشجعان زيك بس هم الي بيراجعوا نفسهم وبيعترفوا بأخطائهم ويصلحوها.. ده غير إن المشهور رحلته بتكون تحت المجهر.الشجعان زيك بس بيعيشوا بتلقائية واتساق مع النفس..
وانهى منشوره قائلًا: "فنوننا وثقافتنا وهويتنا يقدروا يتقابلوا.. انا بدأت أعمل ده في أعمالي الفنية وفيلمي (اشتباك) افتتح في مهرجان "كان" وفيلمي القادم رايح مهرجان "ڤينيسيا" قريب.. وهنقدر ناخد أنا وانتِ خطوات أكبر وأمثل على الطريق العظيم ده اللي هتعرف قيمته الاجيال الجاية.. وتاني بقولهالك يا حبيبتي..رحلتنا واحدة."
حلا شيحة متهمة بالانفصام
يأتي منشور معز مسعود هذا بعد هجوم كبير تعرضت له حلا شيحة من عدد كبير من العاملين بالفن وخاصة صناع فيلم مش انا الذي شاركت في بطولته، بالإضافة لاتهامات الجمهور لها بالتناقض والانفصام.
وكانت حلا شيحة قد اعتزلت الفن منذ سنوات وارتدت الحجاب وتزوجت بداعية اجنبي وأنجبت منها اولادها ثم صدمت جمهورها بإعلانها عودتها للفن وخلعها الحجاب لتشارك في عدد من الأعمال من بينها فيلم مش أنا
وبعد مدة قصيرة ارتبطت بالداعية معز مسعود وعادت واعلنت اعتزالها ثم الغت متابعة عدد من زملائها عبر انستغرام لتكشف عن نيتها اعتزال الفن من جديد بخطوة تسببت بضجة كبيرة
