نشرت الإعلامية المصرية ريهام سعيد عبر صفحتها الرسمية على موقع "فيسبوك" رسالة غريبة تعلن فيها اعتزالها السوشيال ميديا واحساسها بأن الموت قريب منها.
وقالت ريهام سعيد: "اقسم بالله كل حرف هاكتبه صادق ومن قلبي. انا حسه ان انا هاموت قريب عشان كده هابعد عن السوشال ميديا عشان اقعد مع اولادي اكتر وقت ممكن خصوصا ابني الصغير. يمكن سحر يمكن اكتاءب ويمكن حقيقي."
وأضافت: "غالبا احساس الظلم كان بيقتلني بالبطيء في يوم من الايام الدنيا قامت عليه عشان تعلب اما المعراج وانكارها عادي. تامر امين يغلط في الصعايده قاصد او مش قاصد يتوقف ٣ شهور لكن انا اعمل أكبر حمله للسمنه و اعالج الاف من السمنه وعمليات ببلاش ويفتروا عليه ويقولوا اني قلت ان ريحتهم وحشه واتوقف سنه."
وتابعت ريهام سعيد: "فتاه المول ولا تحرش ولا نيله واجيب فيديو وهي معاه محدش يشوفوا واتحاكم وادفع الي ورايا والي ادامي لسما المصري عشان تتنازل لان هي الي زقاها عليه. وغيره وغيره وغيره."
واردفت: "كفايه اننا عالجنا اعداد مهوله من الشباب من المخدرات ورحت اماكن خطر جدا عشان اوعي الناس بدل ما اتكرم الاقي نفسي نايمه في اوضه متر في متر مع تاجره مخدرات. البرنامج يتوقف اطفال تموت ومدرسه ذوي الاحتياجات الخاصه الي فاتحنها تتقفل وتطلع ريهام افاقه وكدابه."
وبينت ريهام سعيد: "لو فضلت احكي هاحكي كتير بس انا موجوعه ومش قادره احكي انتوا ظالمين بتمشوا بكلمه من غير. ماتشوفوا ولا تفهموا. عندي كلام كتير اقوله علي كميه مواقف فيها ظلم رهيب."
ووضحت: "لو مت انا مش مسامحه. مش مسامحه اي خد قال عليه كلمه واحده مش حقيقيه او علي السمع. مش مسامحه اي صحفي كتب عني كلمه ظلم مش مسامحه اي واحد كتب كومنت موت بيها اطفال القلب. كفايه ان اي حاجه الاعلام بيتكلم فيها دلوقتي انا متكلمه فيها من عشر سنين.
وذكرت ريهام سعيد أسماء الأشخاص الذين لن تسامحهم وقالت: "هانزل قبري مش مسامحه هاني عزب ولا ايمن سليم ولا ريم ولا بسمه ومحمد راضي وعلاء الكحكي وو وليد مصطفي ومحمود مملوك واحمد عبد العزبز وجورج قرداحي في منهم مايعرفونيش شخصيا والباقي ما شافوش مني غير كل خير و كتير غيرهم. مش مسامحه ولا هاسامح . مش مسامحه الي بتسحرلي كل شويه."
وتابعت الإعلامية المصرية: "مش مسامحه حسن شاكوش والي عمله في اولادي. مش مسامحه اي حد ساهم في خراب بيتي وضياع مجهود سنين ومش مسامحه اي حد انا معرفوش ضدي وبيحاربني وانا مش عارفه.
ووجهت ريهام سعيد رسالة لجمهورها، وقالت: "المهم اني اجهز للقاء ربنا اعوض الصيام واصلي كتير واتصدق وادعي. ادعولي انتوا كمان ربنا يغفر لي."، واردفت:"ريهام بتجيب مشاكل طب وراحت فين المشاكل لما قعدت في البيت؟ ما هو الي فيه طبع مابيغيروش واله عشان الي كانوا بيعملوا المشاكل اتهدوا لما اعتزلت؟ عشان انا مش علي الشاشه مليش قيمه ومفيش مصلحه اد ايه الناس وحشه."
وأكملت: "كلمت ناس كتير يساعدوني احقق حلمي وامثل مش عايزه اقولكوا الرد وناس ياما وقفت جنبهم. كل دور اعمله المخرج يقول لي انه هايكسر الدنيا بس هي ماشيه بالشطاره؟ انا عايزه اقولكوا الي اللقاء يمكن لمًا اخف لو عيانه يمكن لما اتعالج من السحر لو مسحوره يمكن في الجنه باذن الله لو مت. ماتظلموش حد لان انا بعد ما تعبت اوي اوي ظلمتوني ايوه حتي لو ليه اعداء انتوا ساعدتوهم."
كما وجهت ريهام سعيد رسالة لرئيس مصر عبد الفتاح السيسي، وجاء فيها: "اخر حاجه هاوجحهها للريس انا لو مت وصيتي اولادي يعرفوا انا حققت وعملت ايه لان اكيد حضرتك مش عارف برضوا. انا اولادي اتعذبوا ورايا في المحاكم والقضايا انا ابني كان عنده شهرين زارنيفي السجن انا بهدلت اهلي معايه عشان ولا حاجه كنت فاهمه اني هاصلح الكون.
وتابعت ريهام سعيد كلامها: "انا اسفه اني نجحت انا اسفه اني كنت عايزه كل الناس تعمل خير انا اسفه اني معملتش علاقات تسندني جوه او بره مصر. خساره المجهود الي راح بدون تقدير لكن اجري باذن الله عند ربنا. ماتوجعوش حد تاني احساس الظلم مميت. احنا كنا البرنامج رقم واحد في المشاهده في الوطن العربي عشر سنين والسابع علي العالم وتعبنا اوي اوي اوي اوي ."
وختمت منشورها: "قدر الله وما وشاء فعل حقي عندك يا رب. في الاخر السيره اهم من السمعه لان السمعه دي الحاجات الي بتسمعها وماشفتهاش وهيي مش حقيقه لكن السيره دي الي موجوده في كل بيت فيكي يا مصر دي سيره معاملتك للناس والحاجات الي ربنا جعلني سبب اني اعملها وهو ده المهم. بعد ما اموت ماتقولوش دي بتمثل انها ماتت زي ما كل مره كنت بعيا فيها الصحفيين كانوا بيطلعوني كدابه. حسبي الله ونعم الوكيل. علي فكره انا مش ضعيفه انا في منتهي القوه زي ما كنت انا متقبله كل الي حصل والي هايحصل بس ليه حق و هايرجع. انا اعتزلت بمزاجي وهاسيب السوشال ميديا بمزاجي الجمل بما حمل بس حقي مش هاسيبه."
يذكر أن الإعلامية المصرية ريهام سعيد كانت قد أثارت جدلًا كبيرًا في عدد من حلقات برنامجها "صبايا الخير" وفي أكثر من موقف ولعدة أعوام.
