أحيت الفنانة المصرية دنيا سمير غانم احتفالية قادرون باختلاف" لدعم ذوي الهمم" بتواجد الرئيس المصري عبدالفتاح السيسي، وهو النشاط الأول لها بعد خسارتها والديها النجمين سمير غانم ودلال عبدالعزيز.
اطلالة دنيا وتغزل زوجها رامي رضوان بها
وتألقت دنيا سمير غانم بفستان أبيض بأكمام واسعة مع اسوارة عند المعصم، وقصة مميزة من ناحية الخصر، وتركت شعرها منسدلًا معتمدة مكياج خفيف.
وحظيت الإطلالة إعجاب الجمهور الذي تغزل بها بشكل كبير كما فعل زوجها الإعلامي رامي رضوان الذي نشر عبر حسابه الخاص في تويتر قائلًا: "ما شاء الله حبيبتي ملاك وسط ملايكة كلكم بتطلعوا نور الله ربنا يحفظك ويحميكي ويوفقك ويحفظهم ويحميهم ويوفقهم يا رب"
ما شاء الله حبيبتي
— Ramy Radwan (@RamyRadwan) December 5, 2021
ملاك وسط ملايكة كلكم بتطلعوا نور الله أكبر😍❤😍❤
ربنا يحفظك ويحميكي ويوفقك
ويحفظهم ويحميهم ويوفقهم يا رب@Donia#قادرون_بإختلاف#شكرا_سيادة_الرئيس_على_دعم_ذوي_الهمم#تحيا_مصر #سلامٌ_على_مصر pic.twitter.com/sFYzBHLqvQ
دنيا سمير غانم توجه رسالة عاطفية
ويعتبر هذا الظهور الفني الأول للفنانة المصرية التي نشرت عدد من الصور عبر حسابها في فيسبوك وكتبت رسالة مؤثرة جاء فيها: "تشرفت النهارده بالغناء أمام سيادة الرئيس عبد الفتاح السيسي في احتفالية #قادرون باختلاف وسعدت وتشرفت بكلامه ليا جدا
وبنظرته اللى كلها أبوة"
الكبير اوي الجزء 6 في الموسم الرمضاني المقبل.. وهذه الفنانة مرشحة لتكون بديلة دنيا سمير غانموأضافت: "احب أشكر الجمهور العظيم اللي دايما بيشجعني وشفت في عنيهم وفي ردود أفعالهم فرحتهم بوجودي في الحدث الهادف مع الملايكة اللي كانوا سبب في ثقتي بنفسي النهارده بإحساسهم الصادق في تعبيرهم عن حبهم ليا الحمد لله وفرحتهم باليوم ده وان فى حد مهتم بيهم وبيفكر فيهم وفى احتياجاتهم"
وأردفت: "وبشكر كل الزملاء والأساتذة إللي اتشرفت إني كنت موجودة معاهم في نفس الحفلة وعلي رأسهم الموسيقار الكبير عمر خيرت و أستاذ أشرف عبد الباقي سعيدة جدا إني ابتديت يومي بتشجيعهم وحرصهم انهم يطمنوا عليا قبل ما أطلع وكمان زملائي الأعزاء مصطفي شعبان ويوسف الشريف والمذيعين شريف مدكور وإيمان الحصري اللي مروا بظروف صعبة وعدوها بكل قوه وثبات بفضل ربنا ورحمته وكنت مبسوطة بيهم و حسيت بأد إيه أغلب الموجودين مننا كان عندهم تحديات في حياتهم زي الملايكة اللي استمدينا قوتنا منهم النهارده و من أهلهم الأبطال.
واستطردت: "بشكر كل القائمين علي الاحتفال د/أمل مبدا الأم التانية للقادرون باختلاف فخورة جدا بأخويا هشام جمال لإنه اشتغل و تعب من قلبه في إخراج الحفلة و الأغاني واختيار الأصوات اللي دخلت قلوبنا كلنا و عن نفسي بشكره علي أغنيتي "بلادي اسلمي" كلمات الشاعر الموهوب محمد إبراهيم و ألحان العبقري المتنوع هشام جمال و توزيع الموزع الشاطر جدا مادي
ولم تنسى أن تتحدث عن والديها وقالت في نهاية منشورها: "وفي النهاية حبايبي الغاليين بابي ومامي إتأثرت جدا النهارده اني لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي ربنا معاكي يا حبيب بابي يا رب أكون شرفتكم، بحبكم و وحشتوني أوي ربنا يرحمكم يا أغلي حاجة في حياتي"
